www.mhc.co.nz

He mōhiohio mā te Tūroro Hou

 

 Nau mai, haere mai ki a mātou ko MHC!


Ko MHC he whare mahinga rata e ngākaunui ana ki a koutou, ko tō whānau, ā, he ngākau whiwhita kia hirahira ai te tiaki hauora ki te tiaki torowhārahi, ā, kia māmā hoki ai te utu ki ō mātou tūroro. Nei rā mātou e mau kia tiakina ai koutou, ko tō whānau, ā, e poho kereru ana mātou i te mihi whakatau ki te katoa o ō mātou tūroro; he mihi mahana, he mihi manaaki.

Mātakinga o ngā tūroro hou:

Mā te katoa o ngā tūroro hou, 15 meneti he wā tohutohu i tētahi Kaiwhakamana Tiaki Hauora ki te kore utu. Hei mātaki whakahou tēnei kia mōhio ai mātou i tō hītori ā-hauora i mua mai i te tuatahi o ngā wā tohutohu tākuta mōu. Ko ‘New Patient Assessment’ taua mātaki whakahou.

Hāora puare

Puaretanga ā-wiki:

Mane ki te Paraire, mai i te 8am ki te 6pm (Ki te wātea tētahi kaimahi rata, he hui tohutohu putuputu anō ka taea tae noa ki te 7:45pm).

Tiaki mō ngā hāora kati:

Ka tuku mātou ko MHC i ngā ratonga anō ā ngā hāora kati, ngā hāora ā-muri rānei, ki te whakahaere mā te waea anake. Tirohia ki raro nei.

Hāora tononoa ā-muri

  • Mane ki te Paraire, mai i te 6am ki te 8pm.
  • Hei te Hatarei, mai i te 9am ki te 12pm, ā, i te 2pm ki te 5pm.
  • Hei te Rātapu, mai i te 10am ki te 12pm, ā, i te 2pm ki te 5pm.

Mai i te 8pm ki te 10pm, ka whakautua ngā waea mai e tētahi kaimahi rata rēhita māna e hoake te waea ki tō mātou tākuta tononoa, ki te whaitake. Mai i te 10pm, ka whakautua ngā waea mai e te Nēhi Rēhita.

Mēnā he MŌREAREA, waea atu ki 111.

 

Tō mātou tīma nei me ngā ratonga:

Kei kōnei he rōpū tautōhito e whakatinanatia nei; he Tākuta, he Nēhi Rēhita, he Kaiwhakamana Tiaki Hauora, he Kaiwhakaako Hauora, he Kaiwhakawhanake Hauora, he Kaimahi Hāpori, he Nēhi Hauora Hinengaro, he kapa nui o te tokomaha o ngā kaimahi āwhina anō hoki.

Ka tuku atu mātou ko MHC i te mahi a te ratonga, pērā i te tiki mai i ngā tūroro rēhita mā runga waka (ko Courtesy Coach tēnei), i te āwhina kia riro ai te pane uruwhenua (ko Immigration Medical tēnei), i te whakarite haerenga ki tāwāhi (pērā i te tuku rongoā āraimate pea. Ko Travel Clinic tēnei.), i te hauora taihemahema, i te mea, i te mea. Tirohia ki tō mātou whārangi-ā-ipurangi hei whai potopoto: www.mhc.co.nz.

 

Pūnaha tūroro ā-ipurangi: (mō he kōrerorero noa)

He pūnaha hiko ā-ipurangi mō ngā tūroro. Ko ManageMyHealth tērā.

Ka taea e koe te kite ngā potopoto rata mōu e noho haumaru ana ki ManageMyHealth, ā, i ManageMyHealth ka taea anōtia ēnei mea ki raro:

  • Te whakahaere tāpui mō kōrua ko tō ake tākuta
  • Te tono kia whakahou ai i ōu rongoā rata (he utu mōna)
  • Te kite i ngā potopoto rata mōu, ko ngā whakamātau me ngā potopoto i hua nō ō hui tohutohu.
  • Te īmera tono (he utu mōna)

Kōrerotia ki te taupaepae kia mōhio ai koe ka pēhea tō rēhita.

 

Mō te whakatāpui wā:

Ka taea te whakatāpui ā-ipurangi mā ManageMyHealth, mā te waea rānei ki 03 466 5011.

Hei whakamōhio noa:

  • Hopua ai ngā kōrero ā-waea katoa, hei akoako, hei whakapai ratonga anō hoki.
  • 15 meneti te roa o te nuinga o ngā tāpui. Hei tikanga, ka kōrerotia e ngā tākuta kia rua, kotahi rānei, ngā mea ia wā tāpui, ia wā tāpui.
  • Me mau te kaupapa o te hui ki te tangata kotahi.
  • Ki te hiahia, ka tū ngā hui tohutohu ā-waea, ā-waea ataata, ā-tinana rānei.
  • Mēna kia nui ake te wā hei hui, kōrero koatia ki te taupaepae i a koe e whakatāpui wā ana (He utu anō mō ngā wā tāpui e roa ake ana i te 15 meneti).
  • Mēhemea he pīrangi nōu ki tētahi kaiwhakawhiti reo kē, whakamōhio mai koa i mua i te wā tāpui kia nui ai te wā hei whai kaiwhakawhiti reo mōu.
  • Mēhemea he raru tā te tūroro mō te pānui, mō te reo rānei, he āwhina māna i kōnei. Kōrerotia ki te taupaepae.

Utu pūtea:

  • He pānui o ngā ratonga me ōna utu i tā mātou whārangi-ā-ipurangi, i te taupaepae anō hoki.
  • Mēnā kāore anō te pūtea kia whakautua e koe, ka puta he utu o te toru tāra hei te mutunga o ngā mārama nōna he tauākī pūtea i puta atu.
  • Ka taea te whakautu mai ki te pūtea pepa rānei, ki te kāri utu ā-hiko rānei, ki te whakautu pūtea ā-ipurangi rānei ki te kaute pēke o Westpac nei (03-0905-0342267-01). I a koe e whakautu ā-ipurangi mai ana, whakanikonikohia ki tō ingoa, ki tō nama whakatūhāhā (ko Chart Number tēnei) anō hoki.
  • Ki te kore koe e haere ki tō ake wā tāpui, ā, mēnā ka kore koe e whakakore i taua tāpui hoki, ka puta he utu ki a koe.

Whakahau rongoā:

  • Ki ētahi whakahau rongoā, whakatāpuitia he wā tohutohu. Kaua e mahue, e kore rānei, aua wā tohutohu, kei pāngia koe e tētahi mate pea nā te whakahau rongoā.
  • Ka taea te tono kia whakahou ai he whakahau rongoā mā te pūnaha ā-ipurangi, mā te waea rānei ki 03 466 5011 kia waiho ai he karere mō te whakahau rongoā.
  • E rua ngā rā mahi hei puta haere atu ngā whakahau rongoā ki te kēmehi o tō kōwhiringa. Ka puta ā-hiko te whakahau ki taua kēmehi.
  • Ki te matetere te whakahau rongoā (mai i te 24 haora), waea atu ki te taupaepae (ki 03 466 5011). Hei whakamōhio noa: he utu anō mō tōna tere.

Hua whakamātau:

  • Ko ManageMyHealth te ara nunui hei mōhio ki ngā hua whakamātau. Hei te kite me te tuku a te tākuta, ka taea e koe te kite.
  • Ka kōrerotia ngā hua whakamātau tapu mā te waea; ka tono pea ki ngā tūroro kia whakatāpui ai he wā hei hui ā-tinana kia kōrerorero ai.
  • Hei whakamaumahara: Kāore mātou e pā atu ki a koe mēnā e pai ana ngā hua whakamātau. Ki te kore waea ki a koe, ka pai noa taua hua. Kaua e āwangawanga.
  • Ka koni ake, iti iho rānei te roa o te wā hei whai mātau; kei te momo whakamātau te roanga.

Kaitautoko:

Ka pai rawa atu te haere a tētahi kaitautoko, he māngai mōu rānei, i tō taha ki te katoa o ngā hui tohutohu ahakoa ko wai o tō mātou tima e tū rā.

Mehemea he whakahoki kōrero āu mā mātou:

  • Ki a mātou, he mea hirahira āu whakahoki kōrero, mō te painga, mō te hōha rānei. He mea kia pai ai ngā ratonga e tukua e mātou. Mehemea he whakahoki kōrero āu, he whakaaro hei whakapai rānei, he tohu rānei, Tukua īmera maitia ki info@mhc.co.nz.
  • Ki te hōhā koe i a mātou, tukua ōu whakaaro ki tō tākuta i te tuatahi kia mōhio ai ia i ō raruraru, tukua īmera mai rānei ki ō mātou Kaiwhakahaere Matua kia toitū ai aua whakaaro ki te tuhinga hiko. Ko Marian Rillstone tōna ingoa, ā, ko mrillstone@mhc.co.nz tōna īmera. Ki te tuhi, koianei ngā potopoto kia pai ai te tuku: Marian Rillstone, Mornington Health Centre P.O. Box 7046, Ōtepoti.

Ki te hiamōhio ki he mea anō, tirohia tō mātou whārangi ā-ipurangi ko www.mhc.co.nz, kōrerotia rānei ki tō mātou taupaepae. He wharangi ā-ipurangi anō ā mātou ki Pukamata.


Login to Manage My Health

Latest News

See All Posts